مصراوى
منتدى مصراوى بجد يرحب بالساده الزوار ويتمنى لهم أن يسعدوا بصحبتنا


منتدى يأخذك الى عالم من الخيال أدخل ولاتتردد فلن تندم
 
الرئيسيةصفحة السياسةاليوميةمكتبة الصورس .و .جبحـثالأعضاءالمجموعاتالتسجيلدخول
أعضاء المنتدى أنتظرونا فى ثياب جديده على منتداكم قريبا جدا
عزيزى زائر منتدى مصراوى يسعدنا انضمامك لاسرة المنتدى عضوا فعالا لاتتردد انضم الينا نحن الافضل بأذن الله سنحلق بك الى دنيا الخيال نقدم لك كل ماينفعك فى دينك ودنياك
انتظرونا الحلقه الثالثه من رواية جزيرة حمدان ومفاجأت مثيرة فى الاحداث
بحـث
 
 

نتائج البحث
 
Rechercher بحث متقدم
المواضيع الأخيرة
» الحلقه الرابعه جزيره حمدان
الثلاثاء يوليو 03, 2012 9:00 am من طرف Admin

» أخبار من جريدة شروق
الخميس يناير 26, 2012 5:46 pm من طرف Admin

» الطفل والاسد
الإثنين يناير 23, 2012 9:25 am من طرف كينج كريم

» نقلا عن اخبار الجنوب نتائج الانتخابات قنا
السبت يناير 21, 2012 4:36 am من طرف Admin

» نتائج الجوله الاولى لمحافظة قنا لانتخابات مجلس الشعب
السبت يناير 07, 2012 1:42 pm من طرف Admin

»  الفلول من احمد للغول
الجمعة يناير 06, 2012 5:40 am من طرف Admin

» تهنئه
الأحد يناير 01, 2012 4:13 am من طرف Admin

» مارأيك فيما يحدث
الأربعاء ديسمبر 28, 2011 3:39 am من طرف Admin

» سمعا وطاعه سياده المخلوع سوف نتسلى
الثلاثاء ديسمبر 27, 2011 7:10 pm من طرف abass.1982

ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث
منتدى
التبادل الاعلاني
احداث منتدى مجاني
ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث
أطفال بريئه
http://i27.servimg.com/u/f27/16/37/06/70/images10.jpg
منتدى
منتدى

شاطر | 
 

 الحلقه الثالثه من رواية جزيرة حمدان

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
?????? 1
زائر



مُساهمةموضوع: الحلقه الثالثه من رواية جزيرة حمدان   الإثنين مايو 16, 2011 5:51 pm

المشهد الاول
             نهارخارجى _وسطالزراعات _كوخ صغير يجلس سعدان ممسكا بندقيته وبجواره عليوه الذي يبدوا شارد الزهن تعلو الكأبه وجهه يبادره سعدان الذي بدأأقل تأثرا بما حدث ويحدث
سعدان:وبعدين معاك ياأخوى وبعداها فى الحزن ده
عليوه:يلتفت مستنكرا كلام أخيه قائلا بلهجه حاده ((أباي عليك ياسعدان يعنى عايزنى أقوم وأرقص وأحنا فى الاحوال دى
سعدان:له مش عايزك ترقص بس أفردها شويه وبلاش تعقدها كده
عليوه :أنا اللى بعقدها هى اللى معقوده لحالها
سعدان :وهه خلاص ياعليوه خلاص ياأخوى ثم أمسك الناي الذي يجيده وأخذ يعزف عليه
__________________________________________________________________--
 المشهد الثانى          نهارداخلى  دوار حمدان بيه ...جمع غفير من الرجال جالسين تبدوا الجديه على وجوههم...يدخل فى هذه اللحظات حمدان فيقف له الجميع أحتراما يبادرهم قائلا
حمدان :سلاموا عليكم يارجاله
الجميع :وعليكم السلام
يجلس ....فيجلس الرجال
حمدان:خير يارجاله جبتونى من الارض حصل أيه
الصياد:خير خير كتير ياسعادة البيه....
حمدان :فى أيه ياصياد
صياد:جنابك زى ماأنت عارف أن الواد فوازولد الجعيدى قريب العيال دول سعدان وعليوه بس هو من بدنه تانيه غير بدنتهم .....أنا أمبارح كنت عايزأزقى الارض وهو متعود يزقى الارض معايا قوم رحت عشان أقوله سألت عليه فى البيت قالولى جاماعتوا شوفوا على القهوه رحت ملقتهوش ...قوم ....يبدوا الضيق والضجر على وجه حمدان فيبادره قائلا
حمدان :أنا مش عارف فى ايه متدخل فى الموضوع علطول ياصياد
الصياد:حاضر جنابك خاى بالك طويل أنا رحتله كدا خمس مرات ملقهوش الفار لعب فى عبى ..قلت لما أشوفه ولد الفرطوس عيروح فين ..كمنتله قدام بيتهم من بعد المغرب وبعد شويه لقيتوا طالع ومعاه فى يده صره وراح ماشى فى الناحيه القبليه فى طريق العميا اللى العفاريت تخاف تمشى فيها فى النهار مش فى الليل..وقعدت كامنله ساعه اتنين وبعديها رجع بش ممعهوش الصره جنابك..وكان بيبص قدامه وحواليه زى اللى عامل عمله.....هنا تلمح السعاده تكسوا وجه حمدان ويردد
حمدان :عامل عمله سوده ولد الجزمه
ابراهيم:امرنا جنابك نجيبوهولك ولد الفرطوس قدامك
حمدان:له وكمان معيش حد يتكلم معاه خالص فى الموضوع ده
الجميع حاضر
حمدان :الليله هننصب صوان العزا بتاع المرحوم أسعد أفندى
فى هذه اللحظات تدخل أمرأه عجوز عمياء تتوكأ على عصى فى يدها وتهتدى بيد طفل صغير يسير بها حيث تريد
عندما يراها الجميع يقف لها أحتراما تبادرهم قائله
صحيح ياأولادى الخبر اللى سمعته
حمدان:صحيح ياخاله نعسه صحيح تعالى أرتاحى
تصرخ غاضبه هه أرتاح قال كيف أرتاح ياحمدان ودم أخوك أسعد لسه مبردش أرتاح لما تبقوا رجال وتاخدوا بالتاروحنى يدى بدم ولاد أبوأسماعيل أرتاح قال يالا ياواد نمشى عشان الرجال يشوفوا اللى وراهم
الصياد:متقلقيش ياجده النهارده هترتاحى
نعسه:أنت صياد مش كده راجل زى بوك أيوه ياولدى خلينى أرتاح أنصرفت وأمام الدوار وعلى الارض جلست وأخذت تعدد كعادة أهل الصعيد ياغالى رحت ولاعارف بحالى ...رحت ياحنين وسبتنى لمين ياضنايا نفسى أكحل عينى بدم قاتلك يافجيعتى ياضنايا
----------------------------------------------------------------------------------
           ( المشهد3)           ليل خارجى  _أمام منزل فواز
يخرج فواز قلقا وهو يتلفت فى كل الانحاء خوفا من أن تكون هناك عيون ترصده يسير على عجل الى وجهته يشق طريقه وسط الزراعات يعوى عواء الزئب كعادته كل مره ...يسمع ردا على عوائه يذهب ويصل الى الخص المختبئين بداخله
فواز:سلاموا عليكم يارجاله
اعليوه :وعليكم السلام
يبدوا القلق على وجهه  مما لفت نظرعليوه فبادره قائلا
عليوه:مالك يافواز النهارده
فواز :معرفش بس قلقان حاسس انوا فى حد قاطرنى وماشى وراي ثم التفت حوله وأكمل أمال فين سعدان
عليوه : قاعدهنا بريح شويه
فواز طيب اسيبكم أنا وبقى سلملى عليه
وما كاد يلتفت فى الناحيه الاخري حتى كانت الرصاصات قد أخترقت جسده فأوردته قتيلا فى هذه اللحظه كان عليوه قد أخذته المفاجأه ...لكنه أمسك بندقيته وأخذ يلق الرصاص عشوائيا بلا هدف لان الاهداف لايراها وفجأوجد نار رهيب يشتعل فى الخص الذي يختبئ فيه فخرج هاربا من لهيب النار وهم لم يكن يريدوا أكثر من هذا فقد أصبح هدفا مكشوفا ليطلقوا عليه كل ما معهم من أسلحه ويفروا هاربين من المكان الذي تحول الى سعير ...كان فى هذه اللحظات أستيقظ سعدان وحاول أن يجري نحو الخص ولكنه فى أثناء هرولته أرتطمت قدماه بجسد أدمى التفت اليه ليجده فواز وجسده ينزف عرف بأنهم أصبحوا صيدا للحمايده  فأخذ يزحف حتى وصل ليجد جثة أخيه وقد شوهت بالرصاص أمسك أخيه وأخذ يبكى ويعول قائلا عليوه ليه ياأخوى تسبنى ليه تخليهم يقتلوك أه يااخوى والله لخلى نهارهم ليل انا هاخد الحمايده كلاتهم قبالك ثم أخذ يبكى
----------------------------------------------------------------------------
           المشهد 4                  ليل القريه
طلقات نار متواصله                               اهل القريه يفهمون اللغه
رجل 1ضرب النار فين
رجل2عند بيوت الحمايده
رجل1خدوا بتارهم يبقى
رجل3 ياخساره بعد مقلنا الحمايده اتكسرت شوكتهم دلوقتى محدش يقدر يبص ليهم
رجل 1دول يابوى محدش يكسر شوكتهم غير ربنا بص على السلاح وانت تفهم ياابو مخ تخين
اسمع ضرب النار            اصوات الرصاص تزغرد فى سماء القريه
------------------------------------------------------------------------------
  (( المشه5د))دوار حمدان جالس وحوله شيوخ العائله السعاده على وجوههم وهم يستمعون لاصوات البنادق وهى تصرخ مخترقه سكون الليل فى هذه اللحظات يدخل ولده حسانين حاملا بندقيته فى يده قائلا
حسانين:مبروك يابا الرجاله عملوها وقتلوا ولاد ابواسماعيل
حمدان :التنين ياحسانين التنين ماتوا
حسانين:التلاته يابا
حمدان :ايه قتلتوا الواد فواز اياك علعموم يستاهل نبقى نعوض أهله وأن مرضيوش أهم شافوا اللى حصل فى ولاد ابو اسماعيل
--------------------------------------------------------------------------------
المشهد6          مشهد المحكمه حماد فى قفص الاتهام  القاعه ممتلئه بالموجودين يلمح حمدان الذي يقترب منه وابتسامه  ماكره على وجهه ثم يبادره قائلا
حمدان :أدى الدنيا ياحماد ياأخوى
حمادSad(مندهشا))قصدك ايه ياظالم
حمدان :ايه الحكايه انت معرفتش ولا ايه علعموم أنا هاقولك ولاد أخوك التنين أنا دبحتلهملك وأنت على الاقله هاتاخدلك تأبيده دا عشان تعرفوا أن دم ولاد الحمايده غالى ولو فى حد كان تانى كنت هقتله برضى
حماد:ايه ولاد أخوى قتلتهم
حمدان عيب عيب ياخوى أنت هتعيط ولا ايه الناس تقول ايه
حماد :دمك مش كفايه قصاد ولاد أخوى
حمدان هههههههههههههههههههههههههههههربنا يديك طولت العمر
فى هذه اللحظه يدخل الحاجب ويصرخ بصوت جهوري محكمه فيدخل القاضى ويحكم بالاشغال الشاقه فى القضيه وبع خروج القاضى يأتى الجندى ويقوم بوضع الكلابشات فى يده فجأه يهجم على الحارس ويضربه بقوه يقع على الارض ويمسك بندقيته ويشهرها فى وجه الجميع الذين يفرون من أمامه خوفا ورعبا حتى خرج من المحكمه ليجد سياره متوقفه وصاحبها جالس بداخله يركب السياره ثم يصرخ فى السائق وهو شاهر السلاح دور العربيه وغور برعه من هنه ...
السائق ((خائفا))حاضر حاضر ثم ينطلق بالسياره الى جهه غير معلومه
---------------------------------------------------------------------------------
المشهد7        نهار داخلى              مديرية الامن  مكتب ضابط المباحث
يجتمع مع عدة ضباط يبادرهم قائلا
ضابط المباحث: اسمحوا يا حضرات مدير الامن شخصيا مهتم بالموضوع دا عايز فى خلال اربع وعشرين ساعه الولد دا يكون قدامى  فاهمين
الضباط:فاهمين
ضابط المباحث :اسمعوا عايزكم تقبضوا على كل قرايبه النسوان دول صعايده ولما يلاقى مراته أو أمه بتتبهدل يسلم نفسه طوالى
الضابط توفيق : تمام يافندم
-------------------------------------------------------------------------------
المشهد 8                 نهار خارجى
جحافل من قوات الشرطه تخرج للقبض على حماد تهاجم قريته وتهاجم أصحابه وفرقه أخري تهاجم القريه التى ذهب اليها ويقبضون الى كل من يمت لهم بصله ويأخذوهم لاجباره على تسليم نفسه
-----------------------------------------------------------------------------
المشهد9            ليل داخلى   دوار حمدان بيه  يقف حوله رجال أشداء يحملون بنادقهم الاليه تلمح القسوه فى عيونهم
حمدان جالسا يبدوا قلقا يحتسى فنجانا من القهوه  يدخل عليه الابن الاكبر جابر ويبادره قائلا
جابر :انت مش هتناملك شويه انت كدا تتعب
حمدان:أنا كيف ياولدى والديب فر من ةقفصه الديب مجروح وأكيد هيفكر فى الانتقام منى
جابر :كيف تقول كده وأحنا حولاينك يابا بس ياريت يتجن ولد الفرطوس ويجى عشان أخليه يحصل ولاد أخوه
هنا يبتسم حمدان ابتسامه شيطانيه ثم يبادره قائلا
حمدان :عارف يا جابر انى جات لى فكره تخلصنا من ولد المركوب
جابر فكره فكرة أيه دى
حمدان :لا انت مالكش صالح
جابر كدا ماشى يابوى متعوزش منى حاجه
حمدان :له
---------------------------------------------------------------------------------
المشهد10      ليل داخلى منزل بسيط
رجل تجاوز الخمسين بقليل يحمل على يديه صينيه عليها طعام ...متجها لاحدى الحجرات ثم يدخلها يجد حماد جالسا فيبادره بعد أن يضع الطعام
سلام :انت صحيت ياحماد
حماد :هو اللى زيى يعرف ينام ياحاج سلام
سلام : يالا مد يدك بسم الله
حماد ومنين نجيب النفس ياحاج
سلام ياراجل سيبها على الله تبات نار تصبح رماد يابوى
حماد بس ناري مش هتبقى رماد خالص ياحاج
سلام يمسك رغيف ثم يناوله لحماد الذي يأخذه ويبدأفى تناول طعامه
حماد:نفسى ارتاح وأعرف ولاد أخوى اتقتلوا ولا لسه عايشين
سلام ربنا يطمنك عليهم ياحماد
----------------------------------------------------------------------------------
المشهد11            نهار خارجى ....الجبل .....كهف فى قلب الجبل
يجلس سعدان حاملا سلاحه والحزن يملأ عينيه ....يقترب منه رجل ممتلئ الجسم اسمر الوجه يكسوا وجهه شارب ضخم ويبادره قائلا
عبدالحفيظ:وبعدها معاك ياولد العم ما خلاص اللى حصل حصل عاد  يلتفت سعدان وفى عينيه دمعه حائره قائلا
سعدان :انسى كيف بس انسى خوى اللى طول عمرنا متفرقناش من بعضينا لكن جه اللى فرقنا
عبدالحفيظ:بص ياولد العم فى خبر لازمن أقول عليه
سعدان خير يا ريس
عبدالحفيظ عمك خماد فر من السجن
سعدان يابوى ياغلبى عمى مالوش صالح باللى بيحصل ده والله ده راجل طيب انا السبب في اللى بيجراله بس انا لازمن انتقم من الحمايده كلهم كلهم
عبدالحفيظ:لا لا يا ولد العم اللى أول شرط أخره نورأحنا لما رضينا تعيش معانا وتشاركينا لقمتنا وهدمتنا عشان انت ظروفك زيينا مطرود من العمار عشان كده الرجاله مبينزلوش العمار الاعشان يجيبوا المم ليهم ولعيالهم ..فهمان ياولد العم حط رسك فى دماغك تعرف خلاصك
-------------------------------------------------------------------------------
المشهد12 منذل حماد      بعد خروجها من السجن  وبجوارها ابنها نفادى
نفادى :هما ليه الحكومه خدوكى يامه
خضره :أبدا ياضنايا مافيش حاجه
نفادى :صحيامه أبوى هرب من الحكومه وعشان كده الحكومه بدور عليه
خضره :مين اللى قالك الكلام الماسخ ده
نفادى :ولاد خالى الحسينى بيقولوا ابوك قتل راجل من الحمايده
خضره ((وقد أغرورقت عيناها بالدموع متقلش كدا على ابوك ابوك مسافر دول كدابين ياضنايا
 
 
 
الرجوع الى أعلى الصفحة اذهب الى الأسفل
 
الحلقه الثالثه من رواية جزيرة حمدان
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مصراوى  :: منتدى ترفيهي :: منتدى الادب والشعر-
انتقل الى: