مصراوى
منتدى مصراوى بجد يرحب بالساده الزوار ويتمنى لهم أن يسعدوا بصحبتنا


منتدى يأخذك الى عالم من الخيال أدخل ولاتتردد فلن تندم
 
الرئيسيةصفحة السياسةاليوميةمكتبة الصورس .و .جبحـثالأعضاءالمجموعاتالتسجيلدخول
أعضاء المنتدى أنتظرونا فى ثياب جديده على منتداكم قريبا جدا
عزيزى زائر منتدى مصراوى يسعدنا انضمامك لاسرة المنتدى عضوا فعالا لاتتردد انضم الينا نحن الافضل بأذن الله سنحلق بك الى دنيا الخيال نقدم لك كل ماينفعك فى دينك ودنياك
انتظرونا الحلقه الثالثه من رواية جزيرة حمدان ومفاجأت مثيرة فى الاحداث
بحـث
 
 

نتائج البحث
 
Rechercher بحث متقدم
المواضيع الأخيرة
» الحلقه الرابعه جزيره حمدان
الثلاثاء يوليو 03, 2012 9:00 am من طرف Admin

» أخبار من جريدة شروق
الخميس يناير 26, 2012 5:46 pm من طرف Admin

» الطفل والاسد
الإثنين يناير 23, 2012 9:25 am من طرف كينج كريم

» نقلا عن اخبار الجنوب نتائج الانتخابات قنا
السبت يناير 21, 2012 4:36 am من طرف Admin

» نتائج الجوله الاولى لمحافظة قنا لانتخابات مجلس الشعب
السبت يناير 07, 2012 1:42 pm من طرف Admin

»  الفلول من احمد للغول
الجمعة يناير 06, 2012 5:40 am من طرف Admin

» تهنئه
الأحد يناير 01, 2012 4:13 am من طرف Admin

» مارأيك فيما يحدث
الأربعاء ديسمبر 28, 2011 3:39 am من طرف Admin

» سمعا وطاعه سياده المخلوع سوف نتسلى
الثلاثاء ديسمبر 27, 2011 7:10 pm من طرف abass.1982

ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث
منتدى
التبادل الاعلاني
احداث منتدى مجاني
ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث
أطفال بريئه
http://i27.servimg.com/u/f27/16/37/06/70/images10.jpg
منتدى
منتدى

شاطر | 
 

 الحلقه الرابعه جزيره حمدان

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin
avatar

عدد المساهمات : 189
تاريخ التسجيل : 28/03/2011
العمر : 48
الموقع : منتدى مصراوى

مُساهمةموضوع: الحلقه الرابعه جزيره حمدان    الثلاثاء يوليو 03, 2012 9:00 am

الحلقه الرابعه
_______________________
المشهد الاول ليل داخلى قرية الحمايده منزل حمدان
يدخل الغفير ويبادر حمدان بيه قائلا: وصل جنابك
حمدان :خليه يدخل
يخرج الغفير وبعد لحظان ياتى وخلفه رجل ضخم الجثه ملامحه تبدوا قاسيه يحمل على كتفه سلاحه الالى قائلا
جعيدى :تتمسى بالخير ياسعادة البيه
حمدان : اهلا بسبع الناحيه ثم مده يده ليصافحه....واتم اقعد ياجعيدى اقعد
يجلس جعيدى قائلا: انا اول ما مرسال جنابك وصلنى وقال انك عايزنى سبت كل اللى وراى وجيت تامرنى جنابك بأيه
حمدان: وهه ليه كدا ياابوالسباع الحمايده اهل كرم ياراجل لما نعملوا الواجب عاد
جعيدى :يتقطع لسان اللى يقول غير كدا الحمايده اسياد المركز بس انا عارف الحكاية العفشه اللى انتوا فيها
حمدان قصدك ايه ياجعيدى
جعيدى : خدتوا بتاركم بدل الراجل اتنين وكمان خليتوا الحكومه تخلص على التالت مش برضه الواد حماد هيشنقوه
حمدان :ايوه ايوه بس هرب ياجعيدى ....ثم التفت الى عثمان قائلا روح ياعثمان هات المطلوب
عثمان :امر جنابك
____________________________________________________________
مشهد2ليل داخلى قهوة برعى بعض اهالى القريه حالسون يتسامرون منهم من يلعب الضومينوا ومنهم من يشاهد التلفاز ومنهم من يتحدث مع اصدقائه برعى صاحب القهوه مع اصدقائه سيد وعثمان يعلوا وجههم حزن عميق الصمت هو لغة الحوار بينهم
يقطع سيد الصمت قائلا
سيد لكن قولى يامعلم برعى تفتكر حماد راح فين دلوقتى
برعى والله ماانا عارف ربنا يعتروا فى ولا الحلال يساعدوه الغلبان ده
عيسى والله ياجماعه حماد راجل وين وعمره ماازى حد خالص ربنا يهد الظالم
سيد الله يجازى اللى كان السبب
برعى قصدك من البيه حمدان
سيد فى حد غيره ربنا يهده الظالم دا
عيسى بس ياجماعه ولاداخوه هما سبب اللى حصل ده وبالخصوص الواد حمدان
برعى قلت الحق والله الواد طول عمره بيتشاقى مع ولاد الليل وكنت دايما بقوله ولا اخوك عاوزين الشده دول عيارهم فالت كان يقول دول عيال ولما يكبروا هيعرفوا العيبه ويبطلوا هو ان جيتوا الحق كان رهيف قدام ولاد اخوه
عيسى هو كان رهيف معاهم علشان يتامى وكان بيقول منبقاش احنا والدنيا عليهم
لكن الواددا غارفين
برعى يغور فى ستين داهيه دا ولد حرام الله يلعنه يمكن طلع الجبل مع المطاريد
------------------------------------------------------------------------------------------
مشهد3 منزل حمدان
جالس هو وجعيدى
حمدان :آه قلت أيه يامعلم
جعيدى :بس انا بطلتوا من زمان ياكبير
حمدان لا ياسبع محدش غيرك هيقدريعمل الحكايه دى قلت ايه ثم فتح احد ادراج المكتب وأخرج منها عدة الاف من الجنيهات ووضعها امام المعلم جعيدى الذي سال لعابه وهو يشاهد الاموا ل امامه ومد يده قائلا بعدما امسك الاموال بين يديه انى موافق موافق ههههههههه
ابتسم حمدان لان خطته تمشى حسب الخطه المحدده داخل عقله
----------------------------------------------------------------------------------------
مشهد4 قرية الرواجح منتصف الليل
ظلام دامس فى كل مكان اشباح تتحرك متخفيه خلف ظلام الليل يتسلق أحدهم منزل أحد الفلاحين وفى هدوء شديد يقوم بفتح باب المنزل ويدخل الرجال الملثمون ويقوم احدهم بعمل أشاره لهم فيهجمون على البهائم ويقوم بعضهم بحل قيدها وأخراجها بعيدا عن المنزل بينما رجال أخرون يؤمنون خروجهم يديهم على زناد بنادقهم أستعدادا لاى طارئ ويخرج الجميع فجأ تخترق الصوت صرخه مدويه من صوت أمرأه وهى تردد
الزوجه :حراميه حراميه سرقوا البهايم ياعمران ثم تستمر فى صراخها بينما عمران يهرول ناحية بندقيته ويهرول خلف اللصوص ويطلق وابل من الرصاص عليهم فيردوا الرجال ويستمر اطلاق الرصاص بين الجانبين بينما فريق منهم قام بشحن المواشى فى عربه تابعه لهم وركب الباقى السياره وهى منظلقه والرجل مازال يطلق الرصاص محاولا التغلب عليهم فيصيب احدهم اصابه مؤثره فلايجد وا من مفر من قتله فانطلقت الرصاصات تمزق جسده اشلاء فى هذه اللحظات وصل بعض الاهالى وحالوا ان يبادلوا العصابه الرصاص ولكنها كانت قد ابتعدت عن المكان وخرج اهالى القريه على اثر الصراخ وطلقات الرصاص يهرولون فى ايه رجل يندب الحراميه قتلوا عمى عمران وسرقوا المواشى يابلدوعم القريه هرج ومرج وتحول ليلها الى نهار وانطلقت سيارات الاهالى للحاق بالعصابه حاملين معهم اسلحتهم
-------------------------------------------------------------------------------------------------
مشهد 5 ليل داخلى المغاره ((العصابه))
عبدالحفيظ راقدا ينزف جسده بالدماء فقد اختارته هو رصاصة الحاج عمران جبينه يتصبب عرقا ويبدوا شبح الموت على وجهه وحوله رجاله منهم من يبكى زعيمه ومنهم الحزين ومنهم الجامد الصلب المشاعر الكل فى لحظة ترقب كان واضحا انه لا امل ولا نجاة من الموت نادى عبدالحفيظ وهو على فراش الموت رجاله فاقترب الكل منه
عبدالحفيظ اسمعونى يارجاله ومحدش يقاطعنى انا هاقابل بعد شوية رب كريم وعاوز اسيبكم وانا مطمن عليكم
بدرى متقلش كدا ياكبير ربنا يطولنا فى عمرك ياكبير
عبدالحفيظ اسمع يابدري اسمعوا يارجاله ومحدش يقاطعنى انا بموت
بديقه اسكت يابدري خلى الكبير يتكلم
عبدالحفيظ انى بموت وعاوز قبل ماموت اوصيكم وصيه تختاروا كبير غيري
بديقه وتشور من علينا ياكبير بعدك ربنا يطوا لينا فعمرك
عبدالحفيظ انا اخترت سعدان
هنا تعلوا الدهشه على وجه سعدان قائلا
سعدان انا انا كيف ياكبير كيف اكون انا الكبير
عبدالحفيظ ايوه انت انت زكى ولماح ومتعلم وشجاع قلبك ميت هات يدك ياسعدان علشان نقرواالفاتحه على انك تكون ابوالرجاله والمسئول عنهم قدام ربنا والرجاله يطيعوك فى كل امر فيه مصلحتهم وانت تشاورهم برضه ومتعملش حاجه من راسك الا بعد ماترجع ليهم يلا يارجال ........قراالجميع الفاتحه ومات الكبير وعم الحزن والبكاء الجميع
واصبح سعدان زعيم المطاريد والكبير
-----------------------------------------------------------------------------------------------
مشهد 6 نهار خارجى سعدان امام المغاره يبدوا مهموما عقله يفكر فى كل ماحدث كانه شريط زكريات يسمع صوت رجاله يناديه للغداء فيرد ماليش نفس كله انتوا ولما هاجوع انا هاكل
رجل براحتك ياكبير
------------------------------------------------------------------------------------------------
مشهد6 قسم الشرطه مكتب رئيس المباحث
يتحدث فى التليفون يستمع للطرف الاخر ثم يرد تمام يافندم مطاريد الجبل تمام سعادتك بس احنا سعادتك مش مقصرين المطاريد متحصنين بالجبل وكمان اضح ليهم عيون بترصد تحركاتنا يافندم وبتبلغهم باى تحرك بيحتاطوا صمت تمام تمام حضرتك احنا بدانا فعلا عمل كمائن لكل مداخل الجبل اللى نعرفخا لحد من ضيق عليهم الخناق صمت تمام تمام ياافندم احنا بنمشى بتعليمات سعادتك يضع السماعه ثم يلتفت الى الملازم اول مجدى قائلا الباشا مدير المباحث العامه زعلان زى ماسمعت يامجدى
مجدى اه يافندم طيب احنا هنعمل ايه يوفروا لينا العتاد المناسب واحنا نهد الجبل يافندم
على معاك حق مافيش قدامنا غير الكماين وعاوزين تحريات عن المتعاونين مع العصابه
مجدى دول صعايده يافندم يعنى الواحد ممكن يموت ولا يخونش لان اللى بيساعدوهم بيكون قرايب ليهم لان أغلب المطاريد اصل مشاكلهم التار هاربين من أحكام بسبب التار
على الله يخرب بيتهم وبيت التار الناس دى مش هشغل عقلها شويه تار ايه وزفت ايه بس
مجدى دى عصبيات ونفوز عائلات زى نفوز الدول يافندم
على آه ماهو انت أصلك صعيدى أنا نسيت
مجدى رغم كل العادات السيئه دى يافندم الا ان اهل الصعيد فيهم صفات انقرضت من عند اهل المدنيه والرقى الناس المودرن
----------------------------------------------------------------------------------------------------مشهد7نهار داخلى منزل حماد طرق على الباب
خضره : ايوه ايوه مين على الباب
تقوم بفتح الباب لتجد امراه امامها تضع وشاح اسود على وجهها
خضره نعم عاوزه ايه ياست
حماد اذيك ياام نفادى انا حماد اوعى يظهر عليى حاجه علشان محدش ياخد باله هاتلى رغيف عيش وحتتة جبنه كانى شحاته الحكومه اكيد موجوده هنا
خضره حاضر حاضر تبدوا مضطربه وتهرول وتاتى بعد لحظات برغيف ومعه قطعة جبنه قريش
خضره خدى ياخاله مد حماد يده ليتناول الرغيف والجبن ثم قال لها اسمعى ياام نفادى الكلام ونفذيه بالليل تجينى أنتى وأخوكى الحسين عند الخص واوعى تنسى لازم تيجى ومعاكى اخوكى انا عاوزه ضرورى قوى فاهمه ومتقلقيش انا زين قوى خدى ثم اخرج اموال بدات متردده فقال لها بقول خدى عاو ولدى مايتحرمش من حاجه واصل سلاموا عليكم
خضره بعدما اخذت الفلوس روح ياخوى ربنا يسلم طريقك وينصرك على اللى ظلبمك
---------------------------------------------------------------------------------------------------
مشهد 8 نهار خارجى المغاره
سعدان جالس مع رجاله فى اول جلسه معاه بعد توليه زعامة المطاريد يشرب كوب شاى وبجانبه رجاله يحيطون به
سعدان اول حاجه يارجاله قبل مانقول الكلمتين دول نقرا الفاتحه على روح الكبير عبدالحفيظ ربننا يبشبش الطوبه اللى تحت راسه ويدخله الجنه قولوا امين فيردد الجميع امين ويتم نقرا الفاتحه ((يقرأ الجميع الفاتحه )
سعدان بصوا يارجاله احنا كلاتنا روحنا على كفنا يعنى اى واحد مينا عارف طالما طلع الجبل مش هيموت ميته ربنا هيموت يامن الحكومه يامن الناس اللى ليهم عندينا تار صح فردد الجميع صح اتم قائلا انا بقول كدا علشان لازم الخوف منعرفهوش لاننا ميتين ميتين والكبير عاش راجل ومات راجل ومايرضهوش الا انه يكون رجالته كلاتهم رجاله
بدري صح كلامك ياكبير يسلم فمك
خليفه لكن ليه ياكبير عتقول الكلام دا دلوقيتى حد منينا قصر فى حاجه
سعدان حاشا لله ياخليفه يشهد ربنا من ساعة ماطلعت الجبل ماشفت ولا لقيت رحاله ارجل منكم ولا اشهم منكم لكن انا عقول الكلام ده علشان الايام اللى جايه عاوزه رجالهرجاله شداد متخاف الموت الموت يخافها
بديقه بصى ياسعدان احنا معاك فى كل اللى عتقوله بس نورنا فهمنا ايه اللى بيدور فراسك ياولدابواسماعيل
سعدان خير خير كتير ياعم بديقه خيربالزوفه هههههههههههههه
يضحك الجميع ههههههههههههههههههههههههههههه
للحلقه مشاهد اخري باقيه
أعجبني · · إلغاء متابعة المنشور · المشاركة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://masrawy.footballamateur.net
 
الحلقه الرابعه جزيره حمدان
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مصراوى  :: منتدى ترفيهي :: منتدى الادب والشعر-
انتقل الى: